藝人葉蒨文（Sophie）憑無綫處境劇《愛．回家之開心速遞》飾演「Candy」成功入屋。她昨日（10日）就在社交平台上分享目賭一宗交通意外的經歷，並留言：「我坐車啱啱經過IFC對出近住碼頭隧道口，見到一架車自己撞咗上壆，車頭爛晒、安全氣袋爆晒出嚟身邊冇執法人員，亦都冇人圍住架車，經過咗之後，我諗諗吓覺得唔係好對路，我就打999問有冇人報過案，佢哋話我係第一個打去，其實嗰段路有少少塞車，前面都有好多車繞過架車行，都唔知司機撞咗幾耐，我本身都唔敢相信冇人報案，我係第一個打去，希望冇延遲到救護！雖然我唔知點解目擊嗰啲人冇報案，又或者可能冇人直接目擊到，但我希望如果大家見到呢啲情況經過事故現場，見到冇執法人員封路、冇人幫手，唔好怕麻煩！亦都唔好覺得可能有人報咗警，真係嘗試吓報案，呢啲嘢冇得博㗎，咁就可以確保最快有人可以幫到司機，唔好錯過最佳嘅救援時間！」
東網網站 : https://on.cc/東網Facebook專頁 : https://www.facebook.com/onccnews/
留言 0