請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

嚴選東京奧運女神級運動員 網民讚呢位似張栢芝

on.cc 東網

更新於 2021年07月25日03:03 • 發布於 2021年07月25日03:03 • on.cc 東網
江旻憓除咗運動強,讀書一樣咁掂。
江旻憓除咗運動強,讀書一樣咁掂。
平時行素色文青風。
平時行素色文青風。
飄逸打扮好有女神風範。
飄逸打扮好有女神風範。
笑容甜美。
笑容甜美。
江旻憓有「微笑劍后」之稱。
江旻憓有「微笑劍后」之稱。
咪睇吳佳穎身形咁嬌小,佢原本係玩跆拳道。
咪睇吳佳穎身形咁嬌小,佢原本係玩跆拳道。
之後先轉戰射擊項目,今次主攻10米氣手槍項目。
之後先轉戰射擊項目,今次主攻10米氣手槍項目。
天生一副童顏相。
天生一副童顏相。
好多網民都讚佢可愛。
好多網民都讚佢可愛。
私底下吳佳穎好有童心。
私底下吳佳穎好有童心。
就係呢張相令到熊敦瀚引起網民熱議。
就係呢張相令到熊敦瀚引起網民熱議。
有人讚佢似張栢芝。
有人讚佢似張栢芝。
佢係水球隊隊長。
佢係水球隊隊長。
對眼都好大喎!
對眼都好大喎!
偷懶?
偷懶?
殺入娛樂圈冇難度。
殺入娛樂圈冇難度。
本田真凜有「冰上精靈」嘅稱號。(Getty Images圖片)
本田真凜有「冰上精靈」嘅稱號。(Getty Images圖片)
除咗有靚樣。
除咗有靚樣。
佢仲好識擺pose。
佢仲好識擺pose。
航空公司睇中佢甜美嘅笑容同高雅氣質,選佢成為年度大使。
航空公司睇中佢甜美嘅笑容同高雅氣質,選佢成為年度大使。
仲有好多品牌搵佢做代言人。
仲有好多品牌搵佢做代言人。

今屆東京奧運火熱進行中,除咗可以觀看緊張刺激嘅賽事之外,一班美女運動員嘅亮眼外形亦輕易成為焦點。今次就同大家介紹吓唔同地方嘅索爆運動員。首先介紹嘅當然就係香港嘅運動員,有「微笑劍后」之稱嘅江旻憓,屬於風頭人物嘅佢,繼2016年里約奧運後,以亞洲及大洋洲區第一名資格順利取得奧運入場券,第二次代表香港出戰女子重劍項目。雖然最終8強止步,不過已經創咗歷史佳績。除咗運動方面強勁,其實佢仲係學霸級,2012年佢棄戰倫敦奧運,入讀美國史丹福大學,練劍同時不忘學業,之後佢愈戰愈強,喺2019年奪得兩面世界盃金牌及世界錦標賽銅牌,同年仲升上世界排名第1位,認真厲害!咪睇佢玩重劍好似好大殺氣,私底下佢嘅打扮好文青,愛穿素色為主配長裙,一身飄逸形象甚有女神風範。

因為一張甜美選手證件照爆紅嘅台灣射擊運動員吳佳穎,受網民熱烈追捧,之後就有咗「證件妹」嘅稱號,天生有一幅童顏可愛面孔嘅佢,本身跆拳道出身,大過之後因為身形太嬌小而不利於比賽,所以轉戰射擊項目,佢都估唔到竟然發掘到巨大潛力,可以喺世界無台盡展所長。而佢今次參加嘅項目包括女子10米氣手槍,上屆奧運佢畀自己好大壓力搞到失準,今次佢就希望:「自己可以把平常訓練的都正常發揮出來就好。」

中國體育代表團派出400多名選手征戰奧運,23歲中國國家女子水球隊隊長熊敦瀚出發前,喺社交網上載場地訓練嘅照片,估唔超高顏值加上出水芙蓉嘅曼妙身姿,令一眾網友驚為天人,一系列照片仲喺網上瘋傳。

睇番張相,熊敦瀚企喺游泳池前,啱啱訓練完畢嘅佢,臉上仲有殘存嘅水珠,一雙炯炯有神嘅大眼睛、高鼻樑,配上紅潤嘅嘴唇,氣色十足。好多網民都留言大讚「有點像張栢芝」、「才23,看起來好有氣質」、「好好看,秒殺一眾明星」、「是不是有腹肌?」

講完中、港、台,都係時候講吓東道主日本嘅運動員,當中有「冰上精靈」之稱嘅本田真凜真係冇得唔講,之前佢係一次網絡投票中,憑住高貴同埋氣質優雅,力壓多位一線星級運動員贏得「最美運動員」殊榮。一雙炯炯有神嘅眼睛同白雪般肌膚,獲不少網指佢可以輕鬆擊敗唔少演藝圈中嘅女星。佢嘅實力加上搶眼外表,亦獲日本航空公司認同,睇中佢甜美嘅笑容同高雅氣質,選佢成為年度日航大使。除此之外,亦有唔少商品搵佢做代言,人氣絕對唔講得笑。

東網網站 : https://on.cc/東網Facebook專頁 : https://www.facebook.com/onccnews/

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0