入行13年！蔣家旻吼實飛躍進步獎

藝人蔣家旻於無綫新劇《香港愛情故事》演龔慈恩後生版，為令角色注入新元素，拍攝前特別觀看前輩作品參考，她說：「監製叫我演得溫文爾雅，我盡量配合，冇諗到套劇大家咁鍾意，可能入面嘅故事好令觀眾有共鳴，Flash Back又剪接得好靚，所以做到個效果出嚟！」對於該劇有望開拍第二季，家旻興奮叫好，但寄望以新故事登場：「因為故事繼續發展，我都係演後生版，戲份相對會少，所以希望係一個全新故事就好喇！」

談到下月的頒獎禮有份角逐「飛躍進步女藝員」、「最佳女配角」及「我最喜愛電視女角色」，她不諱言對飛躍獎虎視眈眈：「因為都入行13年第一次入圍，飛躍就好似金像獎咁，人生得一次機會攞，雖然《反黑路人甲》出街後，啲觀眾覺得我女配呼聲高，但我覺得入到五強已經有肯定。（拉票？）叫晒啲朋友上網投票。」

東網網站 : https://on.cc/

東網Facebook專頁 : https://www.facebook.com/onccnews/