張衛健、劉青雲回歸聲演 《反斗奇兵4》廣東話版豪華配音陣容

真係好難取捨，原版英文版有湯漢斯(Tom Hanks)做「胡迪」，又有奇洛李維斯(Keanu Reeves)配音，最重要一件事，係看英文版應該比較少小朋友助慶係又笑唔係又笑，但廣東話版歡樂氣氛又更熱烈……至於廣東話版配音陣容呢，之前一套《超人特攻隊2》由第一集的吳鎮宇、郭藹明，換了丁子高、楊千嬅，不少粉絲都失望，今次迪士尼彼思，就找來《反斗奇兵》（Toy Story）系列演員配音陣回歸！

當中包括有演「胡迪」的張衛健、「巴斯光年」劉青雲，另外亦有演「寶貝」的謝安琪，以及少爺占和Donald為兩個新角色「Bunny」以及「Ducky」配音！官方更發佈了一段新影片，當中看到張衛健說：「無見九年喇！有冇掛住我哋呀？」劉青雲話：「你好！呢到喺外太空打俾你，」還有經典名句：「太空戰士，一飛衝天！」