藝人方力申身為圈中「億萬筍盤」，他與鄧麗欣在2016年分手後，曾與陳瀅、何超蓮、馮盈盈等人傳緋聞，但他昨日（17日）接受鄭裕玲電台節目訪問時，就坦承4年冇拍拖：「第一從來冇女仔埋身，如果有，我話畀大家知我定力好低，但冇。第二，我唔夠鍾意一個人嘅時候，又未必會成日同人一齊，唔想令人哋唔開心，我又唔識點樣同人分手。」
他又謂自己被動和私生活低調，4年來都冇約過女生出街食飯，又坦言想拍拖：「但我豁唔到出去，我要結婚，但我一定要搵到個自己鍾意嘅伴侶。」他亦坦言其實有玩交友App，發現很多女生都質素高，但都未能結識：「我都有去like過人，但佢冇like番我。」
東網網站 : https://on.cc/東網Facebook專頁 : https://www.facebook.com/onccnews/
留言 0