根據日本《NHK》報導，日本北海道早前經歷大地震之後，目前為止已經有近94萬遊客取消訂單，損失接近120億日圓（約港幣827萬），重創北海道旅遊業。
依家當局為咗振興番北海道經濟，提出優惠方案，畀外國旅客嘅住宿費可以打3折，最多資助5晚。但每一晚以2萬日圓(約港幣1380元)為上限。呢個方案預計10月起實施。
另外，北海道嘅温泉設施為吸引遊客重返北海道全面開展了各種宣傳活動。位於札幌市近郊嘅北海道屈指可數嘅溫泉「定山溪溫泉」推出咗半價一日遊項目。呢個溫泉計畫嘅9個旅遊設施採取優惠措施，其中創業90幾年嘅「鹿之湯酒店」都推出咗半價一日遊。
此外，從9月17日開始，各溫泉設施仲會推出2000日元優惠券嘅特別住宿服務。
「北海道酒店旅館生活衛生同業組合」理事長西海正博表示：「好多地區嘅基礎設施已經修復好，希望各位遊客能放心去北海道。」
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0