TVB節目《東張西望》連日來追訪何伯及新何太，二人的個案受到網民熱烈關注，是不少市民茶餘飯後的話題。日前，疑似是新何太本人在「何伯＆何伯老婆關注組」中發文！昨日播出了最後一集，網上話題度未有停止，更有大律師現身解說。同時，昨晚一集新何太與前夫的18歲的兒子亦首度開腔回應。有見熱度未停，連星二代鄧兆尊亦被問及對何伯事件的看法！
新何太兒子片段被刪減？
在昨晚一集中，新何太與前夫所生的18歲兒子現身回應，他表示一開始難以接受，皆因媽媽的忘年戀相距甚遠；但透過相處後，他覺得何伯很愛惜媽媽，相處很融洽，有講有笑，每日一起食飯：「叔叔會去麵包鋪買麵包、買小食俾我！」
當問到媽媽被外界指貪錢，兒子表示媽媽很慘，對此十分心痛：「佢由細養到我大，佢唔係呢啲咁嘅人！」
不過，在早前的預告片中，可見新何太兒子躲在門後回答主持人的提問，在他說出很多人覺得「叔叔臨老入花叢」時，新何太就在鏡頭外大聲喝止，直斥兒子「你唔好講呢啲嘢呀！」引來全城期待。但這句對白在昨晚並無播出，令不少觀眾懷疑TVB自我審查。
律師解說何伯應如何取回積蓄
至於何伯到底能否取回450萬元？《東張西望》昨晚在官方YouTube頻道發布加料版影片，攝製隊諮詢了大律師陸偉雄。律師指，理論上何伯可透過法律途徑取回450萬元積蓄，但實際上難度甚高：「我哋要睇吓盤古初開何伯點解同個女開一個聯名戶口先，呢個好重要，因為聽所有資料顯示，何伯開聯名戶口係有個目的，就係想佢百年歸老過身後將啲錢俾個女去承繼返，而家個女提走啲錢都係符合何伯原本嘅意願，跟住要睇筆錢實際上係咪真係全部屬於何伯，可能呢筆錢係同前妻一齊儲返嚟，咁啲錢可能部分屬於前妻，所以正正有啲複雜嘅情況，就唔能夠一下子話何伯可以即刻攞返嗰450萬，仲有好多問題要解決咗先。」
疑似新何太發文
可能有見節目出街後，網上討論度仍然爆紅，早前有位疑似是新何太本人在「何伯＆何伯老婆關注組」中發文：「大家好，我是何太，我看了你們留言感到很傷心，我和我老公是真愛，希望大家别再惡意評論。我必須在此澄清，我絕對不是為了他的錢，錢只是身外之物。 但何伯的錢是我的，絕對要拿回来，女兒這是偷竊行為，是刑事罪行！為什麼你們反而支持？錢並不是很重要。 但邪不能勝正，錢我們一定會拿回來。」
不過，網民仍是不賣帳，紛紛留言：「口裡說不，身體卻很誠實」、「就你呢段文字就知道你係唔係真愛啦」。
另外，其中有自稱是何伯的大兒子也在「何伯＆何伯老婆關注組」發文表示，父親本來很正常，不像節目中「神智不清」。
鄧兆尊回應事件
另一邊廂，鄧兆尊也表示有跟3名女友一同收看節目，日前接受訪問說道：「我懷疑何伯係抄我，佢買啲嘢咁似我買嗰啲嘢？龍鳳鈪我冇，冇佢咁叻，但鑽石耳環、戒指都有買過嘅」然後又指：「我識好多內地人為咗攞身分證，結婚之後再離婚，之後再搵自己鍾意嘅嘢。（何伯）到咗呢個年紀搵個伴好應該，但只係睇錯咗啲啫！」
鄧兆尊被問到何伯應否給新何太100萬打本做生意？他說：「你自己搵返嚟嘅錢，就算去澳門一鋪過買100萬都得呀，自己搵呀嘛，使得快定使得慢都係自己決定，呢方面我撐何伯。」
對於《東張西望》被網民懷疑自我審查，鄧兆尊說：「何伯講呢番說話好明顯綵排好耐，經過佢太太訓導同綵排好耐先講，如果唔係冇理由咁清晰而又唔駁嘴嘅。咁啦，唔好再做訪問喇，你哋唔夠TVB玩嘅，連續劇做足半年就無謂啦！」
雖然節目已播完系列最後一集，但是話題度仍然十足，不少網民都認為時間會證明一切。
Follow she.com on Facebook & Instagram