《加勒比海盜》將重拍「魔盜王」尊尼特普被DQ　迪士尼想搵人氣新星接替？

由荷里活男神尊尼特普（Johnny Depp）主演的賣座電影《加勒比海盜》（Pirates of the Caribbean）系列一直大受歡迎，之前已多次傳出迪士尼有意開拍第6集，並繼續由「積克船長」尊尼擔正，不過監製謝利畢咸馬（Jerry Bruckheimer）早前受訪時宣布新一集將是重拍版，意昧尊尼被DQ，令一眾粉絲大失所望。而近日有傳迪士尼想搵人氣新星「貓王」Austin Butler接棒任男主角。而Austin昨日出席新片《The Bikeriders》於英國倫敦舉行的首映時就首度回應傳聞。

Austin被記者問及接捧《加》新版的傳聞時即回應指自己對傳言不知情，他表示：「我好愛《加勒比海盜》，令我諗起讀小學時期都做過有關《加》嘅功課，就係要設計一張我喜歡嘅音樂、演員等嘅海報，大約3、4年班左右，《加》都喺張海報中出現。」至於接棒傳聞，Austin就表示自己好喜愛尊尼於片中的演出：「由於佢哋拍得太好，所以（接拍）絕對會有困難。」

東網網站 : https://on.cc/東網Facebook專頁 : https://www.facebook.com/onccnews/