鄭俊弘仔不幸患「天使綜合症」 追第二胎惹網民熱議

1.鄭俊弘及何雁詩 夫婦自爆兒子患上罕見病「 天使綜合症 」，引起網民熱議。兩公婆頻頻受訪，希望引起社會對呢個病嘅關注。Fred話確診初期難以接受，兩公婆更要「分頭喊，以免互相影響情緒」。

2.雖然囝囝嘅學習、語言同自主活動能力會逐漸受影響，但兩公婆算樂觀，發現囝囝對音樂好有興趣，特別鍾意敲擊節奏。鄭俊弘仲唏噓話：「原本打算父子一齊學柔道、揸越野電單車，呢啲願望似乎都未必能實現」，「而家唔敢諗咁遠，嗌爸爸媽媽我信佢一定會做到!」

3.兩公婆行動迅速，呢頭公布囝囝病情，嗰頭宣布下個月舉行慈善演唱會，仲請嚟蘇永康 、方力申 、JW王灝兒 、小肥等 撐場演出，講明目標係籌集資金以支持「香港天使綜合症基金會」。

4.網民對此反應兩極，有啲話佢哋消費個仔「乘機cap水」、「係咪真係幫到個仔?」當然亦有唔少人力撐，「面對呢啲事，真係好唔容易，佢哋都好有心！」

5.網民俾負皮都有佢地原因。2017年二人戀情曝光，立即有媒體踢爆牙Flirt（Fred）一腳踏兩船，背住未婚妻 #Beebs 戀上何雁詩，令何雁詩一秒由正印變小三。當時二人懶理傳言，高調喺機場上拖手認愛。同年再爆出何雁詩強迫fred棄養寵物狗，有報道仲話fred強逼愛犬戴電擊頸帶及倒勾狗帶，惹來大量抨擊。

6.面對兒子的不幸，兩公婆計劃想生多個，惹來更大的議論。何雁詩還說想追女，「好多正常人都會咁樣諗，係因為可以紮辮着裙。」但囝囝患上罕見病都增加咗她的顧慮，會問清楚醫生意見。有網民唔多認同，「弟妹好慘，大個左要被迫照顧呀哥。」，「點保證會否再有病？」點都好，小朋友是無辜的，希望囝囝平安長大！

▼Follow 娛頭
Facebook: https://www.facebook.com/profile.php?id=61554772610166