藝人周嘉洛獲無綫力捧，目前正趕拍劇集《四十二章經》，搞到「回家無期」﹗談到拍攝《四》劇，他形容過程好玩兼刺激：「飛車戲我好鍾意，我本身冇電單車牌，想拍得型啲，所以特別上心，另外爆破戲都係我首次接觸。」
嘉洛笑言騎車戲自己其實「得個樣」：「因為有安排替身，我就負責近鏡騎上去做樣啫。（想考牌？）我擔心會有啲危險，因為電單車速度感好強，如果好似由將軍澳坐到入去元朗，我諗我都唔敢揀電單車﹗」談到首次接觸爆破場面的感受，嘉洛表示：「我覺得只要鏡頭拍到出嚟，就應該係安全嘅，所以都冇諗咁多。嗰場戲交代我被綁架，由江嘉敏同鄭子誠等人趕嚟營救，最激係江嘉敏，佢好似識輕功水上飄咁，每行過一個位跟住啲地雷就被引爆，佢先係最近距離嗰個，不過我哋安全措施做到足嘅。」他透露該劇如無意外將於農曆年前收工，當被問到新年願望，他表示﹕「好想『返屋企』（指歸隊《愛．回家之開心速遞》，同場希望大家都新年進步同身心愉快。」
東網網站 : https://on.cc/東網Facebook專頁 : https://www.facebook.com/onccnews/
