ViuTV《全民造星IV》近日成為全城熱話，TVB女星王君馨自爆近日都有追看，前晚更坦言被A5組演出感動，重拾入行前對跳舞的熱愛，除了晒出15年前嘅跳舞舊片，連日來亦有拍片「直播」《造星》節目，難怪有網民揣測她公然明撐ViuTV，為日後離巢TVB而鋪路。昨日她更貼相寫道：「 I'm sorry, I don't take orders. I barely take suggestions.（抱歉，我不聽從命令，我很少聽從建議）」，未知是否意有所指。
View this post on Instagram
港姐出身的王君馨近日亦有收看《全民造星IV》，前晚在IG發長文寫道：「一睇A5嘅演出，個人自動彈起左，跟住佢哋跳唱多年最Hit嘅PCD songs，跳完之後覺得好爽同好開心，好開心見到香港可以有一個咁樣嘅女子performance（表演）！諗返起自己15年前，在大學第3年，同我best friend組成的女子跳舞組合 Hypnotik。」
王君馨指，入行後曾因外界的評頭品足而變得恐懼，逐漸為討好其他人而抹殺最真實嘅自己。「太鬼妹仔啦，把聲太高音啦，表情太誇張啦，皮膚太黑啦，你咁樣會令到人哋覺得你好假……」她直言，慢慢自我調教，當中有好有壞，「不停想討好別人，同希望大家會接受同喜歡自己，去到某一日望住塊鏡，開始認唔到，或者開始唔喜歡見到嗰個自己，咁咪好可惜囉！」因此寄語一班《造星》參與者要保持自我。她同時提到，雖然自己熱愛演戲，但同樣享受舞台。
View this post on Instagram
近日有指她即將離巢無綫，希望專心做獨立歌手，難怪網民揣測她今次明撐ViuTV，或許為日後離巢鋪路，隨時有機會過檔ViuTV。未知她是否因力撐ViuTV而遭到TVB「照肺」，她昨日貼相分享時提到：「I'm sorry, I don't take orders. I barely take suggestions.」她的星級姊妹岑麗香亦有留意她這句話，似乎當中暗藏一些秘密。
