台灣天王潘瑋柏同有「內地最美空姐」之稱嘅宣云（Luna）結婚3年，二人宣布拉埋天窗時，女方被爆出「天王嫂訓練營」風波，當中仲有香港天王郭富城太太方媛同陷傳聞，好在依家事過境遷，Luna甘做潘瑋柏背後女人！近日有網民發現，Luna依家氣質、打扮同以前大不同，見佢一改昔日濃妝網紅look，改以大方斯文、小女人形象示人，仲時不時就去影一堆沙龍相，加上佢朋友圈子唔同晒，早前佢就同鍾欣潼（阿嬌）、鄭希怡等一齊玩，生活同以往比真係升咗去next level。不過有網民見到佢生活質量大大提升，有人竟大膽留言指佢同方媛愈嚟愈似，個人狀態同衣着打扮等都撞晒款。
東網網站 : https://on.cc/東網Facebook專頁 : https://www.facebook.com/onccnews/