洛賓講笑就話： 我對住曼城有唔錯成績 拜仁最好再簽我 杜曹可以隨時打俾我

前荷蘭🇳🇱翼鋒洛賓最近接受拜仁訪問，洛賓就話「我對住曼城好似有唔錯成績，拜仁最好就再簽返我，杜曹可以隨時打電話俾我，唔係，我講笑炸，我唔可以做返以前嘅嘢🤣。」
洛賓之後講到曾經合作過嘅哥迪奧拿，洛賓表示「哥迪奧拿可以建立自己球隊，我好尊重佢工作。無論哥迪奧拿係邊度做嘢，你都可以清楚睇到佢嘅執教風格同特點，之前同佢合作過三年對我嚟講真係好特別。我好鍾意佢嘅風格，我遇過好多出色教練，純粹由足球角度嚟睇，哥迪奧拿係我最好嘅教練😎。」

洛賓最後就話「贏到歐聯冠軍對於球員定係球隊都係最偉大嘅事。因為我哋係歐聯會遇到世界上最好球隊同最好球員。大家要係職業生涯付出所有野同每日努力工作，咁樣先至可以參加呢場比賽，而參加歐聯比賽係每位球員由細到大嘅夢想。而係呢個舞台，你需要展現自己最好表現☺️。」
▼ Follow Football.jai 足球仔
Facebook: https://www.facebook.com/football.jai
Instagram: https://www.instagram.com/p/CkfcN9kyz3M/