大S生日不求富貴　獲具俊曄送2萬蚊手鐲一樣開心

台灣女星大S（徐熙媛）尋日（6日）迎嚟48歲生日，出名愛名牌、生活有要求嘅佢，就獲老公具俊曄送咗隻價格近10萬元新台幣（約24,100港元）嘅名牌手鐲，仲有親手畫嘅畫。具俊曄今日（7日）為節目《原子少年2》擔任流星導師現身時，被問如何為大S慶生？佢表示有為老婆準備生日蛋糕：「昨天有跟家人們一起吃飯，當然也有吃生日蛋糕。我用畫的方式當作卡片給她，上面寫了『Happy Birthday，我的愛，熙媛』。」佢仲透露自己將禮物收埋喺廁所：「我就想說她上廁所的時候，可以讓她有個驚喜，嚇到她這樣子。」而大S收到呢份驚喜時，就真係夠晒開心。

大S透過經理人廖瑋琪表示：「萬萬沒想到！連我這個驚喜破解王都感動到了！不過驚喜歸驚喜，還是忍不住捶了他兩拳！」大S一向唔鍾意過生日，從以前就三聲五令唔要家人為佢過生日，但如果家人幫佢準備，佢都係會過得好開心。

東網網站 : https://on.cc/東網Facebook專頁 : https://www.facebook.com/onccnews/