梁思浩質疑森美酒店事件‎為造勢　預測鄭裕玲兩周內都會有新聞

森美早前與太太陳雅嫻（Veronica）到日本大阪旅行，晚上10點多在社交平台拍片求助，表示出發前透過中介網站預訂酒店房間並已付款及確認，卻於入住當日收到電郵通知房間被取消。事件在網上引起熱議，不少網民都猜到底是哪個訂房網站。一向「敢言」的梁思浩在其YouTube節目《娛樂好好玩》談論事件，質疑森美為造勢而炒作新聞。

森美回港後在《早霸王》親述事件，45分鐘足本片段上載到903社交平台及官方YouTube頻道，梁思浩與江美儀在其YouTube節目《娛樂好好玩》中，直指跟平日要付費重溫節目做法有別。梁思浩認為，如果發生在一個首次遊日的人身上，的確有可信性，他指所有JR站附近會有即日酒店，提供予趕不上尾班車的上班族，大概10,000円住一晚，自己亦曾入住過，而且Walk-in一定有房。

曾做DJ的梁思浩表示，每年11月廣播界都會有「全港聽眾調查」，對電台和DJ很重要。這個月會有人在街上問人有冇聽電台和喜歡哪個DJ，如果有個節目名或DJ名容易被人記起，的確有絕對優勢。「11月之前，廣播界會施壓力畀下面啲節目，主持人唔該你哋自己去炒吓新聞，拉吓票，搞啲嘢出嚟，今次唔係得呢個主持人，另一個主持人都有搞，不過搞唔起咋。」梁思浩所指的，可能是森美拍檔小儀上周出帖文，表示自己被同座大廈的人偷拍，可惜炒不起熱度。

梁思浩又提到每年10月商台都會搞籃球賽等活動，是為造勢和見報。「點解大家好緊張個排位呢？佢個排位就係攞人工嘅Bargaining power嚟，如果林海峰嗰屆攞咗，就好有power去加人工，如果森美攞咗，森美就好有power去加人工。」梁思浩更大膽預測：「嚟緊我可以預測埋呢兩個禮拜嘅娛樂新聞，鄭裕玲、余德丞，嗰啲都會無端端突然間有啲新聞走出嚟。」