前港姐何天兒（原名何傲兒）宣布結婚喜訊，依家佢就已經預演少奶奶生活，今次佢就去到雅典感受古希臘嘅浪漫氛圍，仲拍埋旅遊Vlog送畀粉絲，點知佢就自拍影片入面個靚靚手袋，用咗一日就被偷走，就係拍攝當晚，搞到女神大嗌傷心。
片中見佢行到希臘街到搵好嘢食，仲以一襲大露背長裙現身，邊行邊轉身，有意無意大晒白到發光嘅滑溜玉背，長裙飄飄氣質非凡，仲大啖大啖咁食當地美食，表情多多勁Cute Cute。而佢全程孭住嘅ruffles袋仔亦好搶眼，去到邊都孭住，點估到佢新袋上場用得一日就被偷，網友都好擔心佢嘅證件等有冇遺失，怕女神玩得唔夠盡興心掛掛。
東網網站 : https://on.cc/東網Facebook專頁 : https://www.facebook.com/onccnews/