新城《勁爆α童星2024》決賽日前（16日）舉行，新手爸爸林奕匡（Phil）擔任評判時看得開心，拍掌鼓勵小朋友，他大讚參賽小朋友熱情及投入，拍子感又重，Phil還給他們貼士：「笑容好重要，有笑容的參賽者，我會加分，其實我都有跳舞，但只在家中跳給囝囝睇。」頒獎禮後，Phil亦獻唱一曲《搖籃下的歌》，為活動畫上圓滿句號。
Phil說：「睇到參賽小朋友，咁細個已經咁有表演慾，在台上又淡定，對住觀眾又跳又笑，我都想囝囝以後多啲出嚟見大家，未必要表演，最緊要對住人唔怕醜。我細個偏怕醜，回想自己第一次表演係10歲，但今日參賽小朋友只得幾歲，好厲害。」他希望囝囝先學音樂，因為拍子感很重要，但囝囝只得5個月，暫時仍未看到他有沒有拍子感。
Phil珍惜陪囝囝成長每一天，看到他每天不同變化，他表示每隔幾天，會被囝囝的進步感動得眼濕濕，他說：「例如昨日仍未識轉身，但今日已經識轉身，呢種體驗從未試過，好想可以慢啲，長大得太快喇，新手爸爸係好艱難，但呢種愛好偉大，望住囝囝就會感覺到，爸爸媽媽會愛你一生一世！」
（即時娛樂）