由佘詩曼、鄧萃雯主演嘅古裝劇《金枝慾孽》被喻為宮鬥劇始祖，播畢至今相隔18年經典地位依然不變，其中飾演安茜嘅張可頤，近日重新着上戲服，還原經典角色，佢喺社交網大晒宮女扮相，見佢同18年前幾乎冇分別，凍齡有術，佢又留言：「18年後再一次送给大家喜歡金枝慾孽的安茜，太多感觸、各種悸動……正因為是自己最喜歡的經典作品，借此機會張可頤、鄧萃雯、佘詩曼在宇宙軌跡上再一次奇蹟碰上，感覺怎麼時間過得如此快？現實、夢境、存在時空已是一片混沌狀態…就一句：值得」。
其實今次佢係同鄧萃雯及佘詩曼，一齊為內地節目《無限超越班》重演《金枝慾孽》，阿佘都有喺社交網晒出頭頂古裝髮飾嘅自拍照，並表示：「好久不見，董佳爾淳」。
東網網站 : https://on.cc/東網Facebook專頁 : https://www.facebook.com/onccnews/
留言 0