歌手馮允謙（Jay）與葉巧琳今日（27日）到大圍出席公開活動，即席獻唱及與粉絲們互動玩遊戲，場面相當熱鬧。剛從加拿大公幹返港的Jay，直言依然仍未適應時差，故獻唱新歌《收到收到》時顯得有點戰戰兢兢，他笑說：「我身邊好多朋友，都成日畀另一半投訴，呢首歌係為佢哋而寫，即係話伴侶講嘅嘢，其實佢哋全部收到晒，會做嘅。（你女友又投訴你啲乜？）食完嘢唔即刻洗碗囉，我係會洗嘅，只係想休息一陣先啫。」
他指今次折返加拿大，先後往多倫多及溫哥華公幹，然後才飛回「家鄉」愛民頓休息：「雖然留咗3星期，但時間唔夠用，本來想留耐啲，但香港又有嘢做。（冇時間陪女友？）盡量咋。（婚期押後到幾時？）依家都仲未有定案，我哋都唔想太匆忙咁去搞，嚟緊我又要再飛去第二度做嘢，同埋灌錄新歌，工作上都好忙，睇吓明年啦。（會唔會選擇閃婚㗎？）總之有好消息一定會同大家講。」Jay又指返港後被身邊工作人員投訴發胖：「真係食咗好多嘢，改衫嘅姐姐仲話我係咪已經退咗休，今日知道要做嘢，嚟之前我去咗做運動先。」
東網網站 : https://on.cc/東網Facebook專頁 : https://www.facebook.com/onccnews/
留言 0