0.01超薄千層蛋糕！極濃厚卡邦尼夠高質｜旺角｜CC BAKERYYYY x 千禧咖啡

千層蛋糕要好食，一定要夠薄夠多層，認真0.01平時見得多，用係千層蛋糕真係第一次見，雖然冇寫單位，可能講緊0.01光年起，但都第一次見咁薄。

條片我話心地唔好，明顯係講笑，大家再睇真啲佢地IG嘅報導，就會睇得出店主做蛋糕嘅匠心，雖然店主年紀輕輕，但帶住勇氣認真專注做好小店，真係令人肅然起敬。

-
🍝黑松露卡邦尼意粉 ($118)
唔好以為得甜品出色，呢到卡邦尼都極濃厚，Creamy到極之餘，散發黑松露同蛋汁嘅濃香，如果想食原味卡邦尼，都可以走黑松露。

🥓芝士肉醬窩夫 ($68)
🥞港式奶醬窩夫 ($78)
真心癲嘅牛角酥窩夫，前者鹹食肉醬自家製，配芝士邪惡到痴線，後者唔洗講，瘋狂嘅煉奶同花生醬，夾埋酥脆窩夫真係正。

☕️Tiramisu千層蛋糕 ($42) / Tiramisu ($68)
🍰彩虹雲呢拿牛乳千層蛋糕 - 限定 ($55)
🍓鮮雜果千層蛋糕 - 限定 ($58)
1️⃣千層蛋糕係呢到主打，出名做到超勁極薄層，睇片都見到，真係層層超薄出邊少有，口感綿密幼滑，非一般出色。

2️⃣而兩款限定真係必食，彩虹用上真雲尼拿籽做成，鮮雜果嘅就用呂宋芒果、日本士多啤梨、珍寶藍莓、金奇異果，水果足料誘人之餘，當然都係咁幼滑。

🍵抹茶拿鐵 ($45/$52) ☕️生椰拿鐵 ($48)
🫖凍桂圓紅棗茶 (一壺 $45)
作為Cafe，呢到嘢飲係有啲水準，同時真係推薦凍紅棗桂圓茶，凍嘅比較少飲，但食完甜品清一清超正。

-
CC BAKERYYYY x 千禧咖啡
🗺️旺角豉油街10號地舖
📞6583 6368
❇️本身佢地就係專賣千層蛋糕，如果想買原個，都可以直接訂做生日蛋糕，真係有水準。

生活