台灣天王周杰倫同人氣急升嘅劉畊宏係圈中出名嘅好兄弟，隨住依家劉畊宏爆紅，佢開Live教瘦身操嘅時候就愈講愈多，繼早前佢「爆響口」提早宣布周杰倫細女出世，今次佢就自爆一個埋藏心底兩年嘅秘密！佢話大約在2年前，自己去探周杰倫班，當時佢自己想出歌，請其他人幫手寫咗幾首，就帶去畀周杰倫聽同揀歌，點知周杰倫覺得首首都唔好聽，反而自告奮勇：「都不好，我幫你寫。」
但係當時周杰倫自己張專輯啲歌都未寫完，搞到劉畊宏唔好意思婉拒，不過周杰倫率性表示自己寫得快，唔夠一周就將歌寫好畀劉畊宏，如今聽到周杰倫要出專輯，劉畊宏先醒起首歌，不過就不知所措唔知幾時出好，叫大家幫幫手諗。
東網網站 : https://on.cc/東網Facebook專頁 : https://www.facebook.com/onccnews/