Elanne心情不好 偕老公囝囝遊日散心 蕭唯展盼老婆放低「江若琳彎」

江若琳（Elanne）日前駕車途經彌敦道與加連威老道交界時，失控剷上安全島，撞毀交通燈柱並向左翻側，幸只受輕傷，被送往伊利沙伯醫院檢查後已經回家，事後Elanne火速復工，接着和老公蕭唯展（Oscar）和囝囝Owen去日本東京旅行散心。

Oscar昨天（18日）在社交平台貼出多張在當地的全家福，溫馨又開心，愛妻號的Oscar盼老婆能抽離一下：「不如來個短短既旅行，每當佢見到Owen B開心，佢就乜都唔記得晒，一家人就係諗諗辦法團團結結咁，好簡單﹑love you，#希望老婆盡快放低江若琳彎啦﹗」

Elanne亦在Ig貼相發文抒發感受：「記錄下來與你哋在一起的每個快樂的時光。人生多了一個孩子，確實多了一份一生嘅牽掛，但同時間呢種幸福感，係無任何嘢可以代替，應該當了父母的人都會明白。

由從前同大包一起周遊列國，到而家細包加入，希望我哋可以陪你遊歷世界，每晚都見到相同片太多，但全是你的成長點滴。呢幾日心情確實不太好，呢個出走對我好重要。我愛你哋，你哋係我一圈生命中最美麗的存在。」

（即時娛樂）