黃劍文（Kimman）自參加《中年好聲音2》之後，收穫大班「Kimchi」（粉絲暱稱），日前他跟逾百位歌迷，開Party迎接聖誕，1月亦會再辦歌迷會周年晚宴。
這晚黃劍文甫出場，連唱3首聖誕歌揭開序幕，他還與歌迷互動，除了跟歌迷合唱外，還兩度落台與歌迷握手，黃劍文說：「上次Stand by Kimman演唱會握手時間唔夠，今次就補番數。」他落台走勻每個角落握手，當晚亦有交換禮物環節，Kimman早在澳洲時已預禮物交換，Kimchi亦準備聖誕冬甩蛋糕送給偶像。
黃劍文說：「開心見到大家出席Kimchi family嘅Christmas party ，唱歌傾偈交換禮物，都用咗差唔多3個鐘，時間都覺得好唔夠，感恩過咗溫馨溫暖嘅Christmas，非常感恩有Kimchi們在身邊支持，有你哋我先有動力去表演，由比賽到𠵱家都好忙，而今個平安夜會同家人平靜度過。」
黃劍文透露今年收到最好的聖誕禮物，就是家裏貓貓早前懷孕，亦已經分娩，家中添新成員，令這個聖誕更有意義。
（即時娛樂）
留言 0