趙露思暗撐陳奕迅開騷被狂偷拍　私照贈粉絲對話曝光

歌手陳奕迅（Eason）最近在內地舉行巡唱，尋晚（25日）佢場騷有個特別嘉賓偷偷入場力撐，佢就係內地頂流花旦趙露思，佢一入場就已經畀附近歌迷發現，不過大家都冇打擾女神睇騷嘅閒情，淨係喺遠處靜靜影低趙露思靚相，仲接連令女神撐吹神一幕推到上咗幾個熱搜話題。

原來有位陳奕迅歌迷就係當晚生日，佢發文指自己當時意外見埋趙露思，雖然女神當時曾答應同佢合照，不過因為佢同友人為免引起大眾混亂而遲到早退，完騷前已走人，未有及時同呢位網友合照。點知此post一出，趙露思工作室即inbox呢位壽星，指趙露思睇騷期間同友人嘅合照中，剛好影到呢位壽星身影，就send咗張私照畀佢，造就佢哋嘅特別合照，此舉更被網友推到上熱搜，大讚趙露思體貼又暖心，即使受身份所限要早走，都絕不食言，奉上與網友嘅「合照」。

東網網站 : https://on.cc/東網Facebook專頁 : https://www.facebook.com/onccnews/