J2主持麥惠琪宣布做業主　揭售樓處人滿為患：又話個市唔好

J2節目《不正常愛情研究所》話題出位，加上有多位靚女主持班底，一直深受網民歡迎，當中主持之一的麥惠琪入行前曾任職空姐，經常在節目上分享過去的職場見聞。她昨日（18日）在社交網站透露抽中屯門新盤成為業主，更指現場人滿為患，感嘆：「又話個市好差，成個場都係人。」

麥惠琪昨日分享與好姊妹齊齊到售樓處抽新盤的合照，最初投訴現場多人，所幸後來抽中籤順利成為業主，她轉發好友的限時動態，留言：「呢兩年辛苦你啦，抽咗無數次。」估計已恨買樓多時，她透露今次抽到100號籤內，相信終能如願覓得心水靚盤。

麥惠琪曾因揭航空界男女關係混亂引發熱議，敢言形象深入網民心，她近日再在社交平台分享做空中飛人時的經歷，透露有次飛到三藩市遇見靚仔混血海關，她自言當時以為純粹與對方閒聊幾句，未料後來對方竟要求她留電話才願意放她離開，引致她稍遲入境，要其他同事等。