太子串燒小店推介　78蚊澳洲龍蝦超癲｜太子｜好燒式

串燒比人感覺粗獷，估唔到可以做到咁多細節，例如乳鴿先慢煮再燒，蒜蓉包配原個烤蒜頭，蟶子皇底下墊住金菇索汁，唔少都畫龍點睛。

呢間小店開咗好多年，但主要都係街坊先識，風格同一般串燒完全唔同，聽聞大廚出身自酒店西餐，所以背後有西式烹調嘅精神，唔少都係呢到原創，最近仲出埋78蚊澳洲龍蝦超癲。

-
🦞澳洲龍蝦 (半隻 $78)
超誇張嘅週年優惠，澳洲龍蝦竟然做到咁抵，真係大大隻，可以揀芝士/蒜蓉燒，但留意新鮮可能會賣哂，預先訂會穩陣啲。

🍗低溫去骨燒乳鴿 ($88)
第一次見串燒店會做低溫慢煮，乳鴿慢煮後超粉嫩誘人，外層油香豐富，內裡肉香濃郁。

🌮墨西哥薄餅芝士雞肉 ($52)
填滿半溶芝士，一拎起拉絲，超濃香邪惡，外層餅皮又烤得脆皮，呢個超有驚喜。

🥓串燒：
🥢鹽燒牛舌串 ($30) 🥢羊肉串 ($22)
🥢串燒豆腐 ($22) 🥢虎皮尖椒 ($19)
🥢厚燒玉子 ($22) 🥢朱古力香蕉 ($25)
燒牛舌厚得驚喜，油脂香濃又肉質軟腍，燒豆腐脆皮惹味，連厚燒玉子都有，燒得金黃焦香，入邊軟嫩香甜。

-
🦐其他海鮮：
🥢牛油燒開邊大花蝦 ($63)
🥢蒜蓉燒聖子王 (時價)
🥢煙肉燒蠔 ($36) 🥢蒜蓉燒蠔 ($36)
而其他海鮮其實都唔貴，大花蝦巨型爆膏，蟶子皇一向鮮甜，底下墊住金菇索哂啲肉汁，更加鮮甜驚喜，燒蠔都大隻脹卜卜。

🧄特色蒜蓉包(配原粒蒜頭) ($40)
🍝龍蝦汁大蝦意粉 ($118)
正如上邊提到，佢地出身自酒店西餐，例如蒜蓉包都配上西式烤蒜，最估唔到意粉都超正，龍蝦汁熬得鮮甜，好食過出邊唔少西餐。

-
好燒式 @goodnewsbarbecue
🗺️太子大南街32-34號地舖
📞2696 9595

生活