台式小店主打抵食平民料理　嚐燒麻糬湯圓火鍋！｜觀塘｜龍鳳號

真係有網友DM問我，情人節百幾蚊位食到啲咩，其實又真係可以食到好多嘢，鍋物、拌麵、魯肉飯、湯圓火鍋、小食、台式茶飲，講緊一次過食哂。

呢間台式小店，本身主打嘅都係抵食平民料理，味道正宗之餘，啲嘢食大部份都來自台灣，難怪平時一放飯或收工，附近都超多人黎排隊食。

-
🍱愛與你一起過年情人節餐 (9折後 2人$331 / 4人$601)
唔好以為小店就唔做情人節，呢到每位百零蚊，食到五道菜，講緊仲要鍋都有兩個，一個鹹一個甜，你地話係咪痴線。

🔸小食 (2選1)
🥢鹽酥雞 🥢燒香蔥蛋捲

🔸鍋物 (5選1)
🥢惹味三杯雞鍋
估唔到嘅係，上枱都仲超渣渣聲，乾鍋滾得直頭鑊氣，三杯雞超足料多雞，味道更加係超惹味，呢個價錢真心癲。

🥢台式麻辣鴨血鍋 🥢豆乳豚肉豆皮鍋
🥢養生花雕麻油雞鍋 (+$18) 🥢濃薑豆腐魚片鍋 (+$38)

🔸飯麵 (9選2）
🥢喜歡你鮑魚魯肉飯
🥢惹味肉燥乾拌麵
乾拌麵超驚喜，拌勻後啖啖惹味，令人上癮，雖然「喜歡你鮑魚」呢個名怪怪地，但魯肉係佢地招牌，濃郁之餘肉夠肥。

🔸甜品
🥢台式燒麻糬湯圓火鍋
出邊少見嘅台式甜品火鍋，有得揀珍珠奶茶 / 玫瑰奶茶湯底，真係有火滾住，湯圓超夠流心，仲有芋圓同珍珠咁，加埋煙韌軟糯麻糬，飽到上心口。

🔸飲品
🥢抹茶珍珠奶茶
🥢粒粒椰汁芒果露 (凍)
最癲嘅係特飲仲唔洗加錢，而且真心好飲，前者抹茶濃香，後者芒果露質感濃厚，兩款都超特濃，經過都值得買黎飲。

-
龍鳳號 @longfenghao
🗺️觀塘駿業街56號中海日升中心2樓2B號舖

生活