女星鄧洢玲（阿旦）本身有按摩店又有餐廳，但三年來因疫情大受影響，阿旦說：「雖然依家防疫政策好似放寬咗，不過好多人選擇去旅行，呢段時間就好似啲冰鮮嘢喺雪櫃，啱啱拎出嚟溶雪咁，就算未去都會留錢買機票，變相喺香港消費力係低咗。」雖然兩邊生意都要捱及守住，但她抱樂觀心態：「還可以啦，唔係好嚴峻，但梗係希望再好啲。」年尾有世界盃、又聖誕，她絞盡腦汁加強宣傳，因應措施變陣或做優惠，希望能夠追回之前的生意額。
而問到她自己可會出外旅遊？她說：「我都會呀，不過唔想依家一窩蜂去搶機票，聖誕、除夕啲機票又貴，所以都係計劃明年先飛，到時都會順道為自己嘅頻道拍片。」一直有經營個人頻道的她，稍後也會出動多拍行山和寵物片，阿旦又預告會有新嘗試：「都係有關Media嘅嘢，但暫時仲傾緊，未講得住。」
東網網站 : https://on.cc/東網Facebook專頁 : https://www.facebook.com/onccnews/