林子博英國搬屋豪住兩層獨立屋　再呻用料平有甩漏

前無綫娛樂台主播林子博去年帶埋一對仔女移民到英國後，就即刻開設YouTube頻道拍片分享在當地搵屋、搵學校及搵工作所遇到的困難。月前他就用了約1萬2千港元月租搬入一個兩層高的全新單位，更有齊傢俬、電器，包車位等，形容「只是帶行李和電腦入來就住得，覺得好抵。」點知後來發現單位勁多問題，更慘遇極無品鄰居。

好幾個月都未有拍片更新情況的林子博，日前終於上片透露自己同仔女已搬了新屋，林子博表示早前忙住搬屋，在對上一個單位完約後馬上決定租住獨立屋，片中見到他的新屋勁豪華，樓高兩層有5間房及有一個花園，室內環境空間亦非常闊落，客廳擺放了大電視、鋼琴等，廚房仲誇張到可以放到三個大雪櫃。

雖然住得豪過以前，但林子博就呻新屋有甩漏，如廁所門鎖一拔即鬆、沖涼房牆身冇做防霉、露台地磚鬆脫及洗手盤分開冷、熱水水龍頭，不能使用暖水等。林子博指業主今年年中才收樓，更講明單位用料差所以租金才會較便宜。