下個月7月23日就67歲的羅莽,終於在早兩日決定開facebook帳戶,打入網絡世界。而且更出相玩「自投羅莽」說:「一個『自投』的誕生!我,羅莽,今日開始,玩飛卜,收門生,大家跟唔跟我?跟就叫聲羅師父!」跟的意思應該是like啦,現在已經有7千多人讚好。
羅莽師傅似乎不是求其開page,好認真玩,因為出圖更新封面外,還常常回覆粉絲留言,第一張圖出了之後,已經有7千多個讚好,7百幾個分享,更有過千留言。他就回覆:「各位飛卜朋友,多謝你地跟我,今日多咗好多徒弟仔。」另外亦有網民出了個「有聲」留言:「我墮入羅莽 你老豆疊羅漢」羅師傅亦好玩得回覆:「我識彈少少結他,第時有機會唱。」一眾粉絲,應該都好期待羅師傅自彈自唱啦!