30歲Angelababy靚樣進化史 網友：今次去到第幾Version？

唔少女星由出道到走紅樣貌都經歷幾番蛻變，顏值愈變愈高，仲因此惹來整容疑雲！好似Angelababy(楊穎)咁，佢憑住標緻臉孔瘋魔萬千粉絲，但同時都有網民覺得Baby以前同依家個樣有啲分別，質疑佢嘅靚樣係後天加工，所以Baby曾於2015年在北京入院搵醫生做檢查及鑑定，仲公開檢查報告結果表示未有整容，力證靚樣係全天然，但近日佢有份主持嘅節目《潮流合伙人》出街後，節目中一名日本媽媽客人稱讚Baby看起來像20歲，相反內地網民質疑佢嘅靚樣再進化，而且仲非常明顯！唔知你哋睇完覺得點呢？！

撰文：東方新地｜ 圖片：新傳媒圖片、Instagram、Angelababy微博、《潮流合伙人》微博

被稱讚似20歲 Angelababy

最近Baby 在大陸綜藝《潮流合伙人》中與吳亦凡、潘瑋柏等在日本主理潮流服飾店，Baby擔當了店員的角色。Baby跟一位日本媽媽聊天時提到自己有個三歲兒子，客人十分驚訝，以為Baby二十歲，令Baby十分高興。這一幕被網民熱烈討論，到底Baby 是否進化到返老還童？

Angelababy 輪廓宇宙化

早在19年內地節目《奔跑吧》開播時，最多內地網民談論的不是節目內容，而是主持Angelababy的容貌，不少網民瘋狂截圖研究一番，唔少人網友指佢對眼比以前更大，紛紛留言話：「是不是開眼角了，比以前大多了？」、「眼睛鼻子下巴愈來愈不自然」，但也有人表示Baby可能轉咗第二種妝容，似是畫了全包眼線和眼角，又有人話可能佢抱恙上鏡至會睇嚟唔同樣！

「#angelababy的臉怎麼了」成為微博熱搜題目，對於網民質疑Baby有所回應，她在微博貼了selfie照並留言表示：「好好看節目，注意垃圾分類。」！

睇Baby的微博，佢係有用有美圖功能的手機拍攝。

其實上月內地節目《王牌對王牌》播出後，當時已有網友發現Angelababy的臉部又有些變化變得似網紅臉，睇嚟又有啲似泰國人，但也有網友為baby抱不平，指可能只是角度問題或者妝容惹禍，同「變臉」無關。

Angelababy少女時期

回顧少女時期的Angelababy當時她是一位「哨牙妹」，由於牙齒的阻礙，致使她的嘴唇亦有些許凸出，並沒有如今的女神氣質。

而經過牙齒矯正的她，笑容及面形都變得更加迷人，不但成功奪得一眾宅男的喜愛，更將黃曉明「私有化」，雖然有很多人質疑baby不只是箍牙那麼簡單，不過baby變得更漂亮是事實。

Angelababy 接受整形鑑定

Angelababy由入行至今，多年來都飽受整容傳聞嘅困擾，2015年佢喺北京接受整形鑑定，喺內地傳媒同公證員見證下，接受對面部嘅全面檢查及鑑定，證實額頭、下巴、雙眼皮、鼻樑、口腔以及嘴唇等地方冇做過手術。令困擾Baby多年嘅整容傳聞終於劃上句號！

Angelababy 經典寫真女神

點都好，講到寫真鼻祖，點可以唔提Angelababy，Baby深明自己輸兩球先天缺憾，出道首本寫真以日系少女，高貴嫵媚風格，避重就輕，成功俘虜不少男士。首本寫真彈起之後，立馬告別寫真界，北上發展，越撈越紅。Baby現時在內地紅透半邊天，早年嫁咗俾黃曉明，依家仲有個囝囝小海綿。