在新冠肺炎疫情下，人人都減少外出留在家中防疫，不少人更趁機會激發出潛能，特別是廚藝方面。為了維持良好免疫力，大家在平日飲食當然要吸收均衡的營養。今日跟Nutri Life 營養顧問中心註冊營養師Gloria學整「低脂日式咖喱雞飯」，做法簡單，營養豐富，有助增強抵抗力，還不快快試下學整。
低脂日式咖喱雞飯（2人份）
材料：
- 雞腿肉240克 (去皮切塊)
- 紅蘿蔔 1條 (削皮切塊)
- 粟米筍 10條 (洗淨切塊)
- 洋蔥 1個 (去皮切塊)
- 咖哩粉 1包
- 油 1茶匙
- 白飯 2碗小貼士：一般的咖喱磚熱量都好高，Gloria推介選用的咖喱粉，比日式咖喱磚的脂肪少50%。
步驟：
- 將雞肉洗淨並切塊，亦要分別將紅蘿蔔、粟米筍、洋蔥切成塊狀
2. 燒熱易潔鑊下油，加入洋蔥炒香，加入紅蘿蔔、粟米筍和雞肉炒勻。
3. 加水煮8至10分鐘直至紅蘿蔔變軟身。
4. 加入咖喱粉再煮2分鐘（可再加水煮至自己喜歡的濃稠度），配上白飯即成。
Gloria解釋，低脂日式咖喱雞飯營養豐富又味美，當中含有維他命B雜及蛋白質，有助白血球運作，同時紅蘿蔔蘊含胡蘿蔔素，亦可以幫助大家保持上呼吸道黏膜分泌正常，有助減低病毒感染風險。
圖片來源：Nutri Life 註冊營養師
HealthyD FB: