無綫最近在晚上時分重播由江華主演的經典穿越劇《九五至尊》，令已經淡出娛圈多年的他再次成話網民口中的話題主角，而他過去的黑歷史亦一一被翻出重提，其中最經典的莫過於他疑似因為化妝化兩個小時而令拍檔張可頤頂不住走人。
當年拍《九五至尊》時，有傳江華曾經因為化了兩小時妝而拍檔張可頤不耐煩走人，而張可頤亦有明示江華非常貪靚，更有私人化妝師跟入廠，當時二人更因為此事而傳出不和，不過張可頤有否認。
除《九五至尊》之外，其實江華拍攝《西遊記》時，亦有傳飾演唐三藏的他化妝時間竟然比「孫悟空」張衛健花兩小時化的馬騮妝還要長。更爆的是，當江華演出《碧血劍》時，有一集講到飾演金蛇郎君的江華要被關入天牢一年，當時劇集導演就要求江華化「污糟妝」兼要披頭散髮，沒想到江華竟然一句「點解唔可以靚仔？」拒絕，最後全套劇入面都以靚仔整齊look見人。
有消息指江華在拍攝時裝劇《肥婆奶奶扭計媳》時亦曾經拒絕劇組要求，當時飾演投資公司經理的他堅持全劇都要以西裝Look見人，但導演就要求他某些場口要著便服，江華就質疑助導：「畀一個理由我點解要着便服？」，認真貪靚勝過專業。