《2023香港小姐競選》16位佳麗於嘉賓主持黎諾懿及師姐梁凱晴帶領下,已抵達越南拍外景,是日一眾佳麗以仙氣十足的白裙上陣,前往被列為世界文化遺產的美山聖地拍攝MV,大抵經過連日來密集式訓練,佳麗們除了擺甫及跳舞愈見有板有眼,面對鏡頭也變得從容,加上夕朝相對多時感情不俗,故訪問時也要攬作一團,氣氛融洽。
不過當地氣溫酷熱,台前幕後均熱得汗流浹背,但拍攝中途卻突然行雷閃電兼暴雨,令拍攝進度數度被打斷,面對外景日曬又雨淋,佳麗坦言雖然辛苦,但感恩獲工作人員貼心照顧,胡睿涵表示:「行雷閃電?唔驚呀,工作人員好有準備,一早準備定遮,好照顧我哋。」
姜依宁、陳曉彤及「嫩版蔡依林」莊子璇受訪時,被爆前一晚排舞時因壓力大爆喊,對此姜依宁解釋:「我覺得自己做得唔夠好,笑容唔夠,要更加努力。」並感謝身旁兩位戰友全程陪伴及打氣,更指三人已變成「笑容專員」,無論是大會鏡頭或工作人員手機,只要一對着自己便能擠出燦爛笑容。
佳麗們亦應要求互爆趣事,當中以莊子璇及「Cute版阿Sa」王怡然最有娛樂性,莊子璇說:「尋晚我哋大概一點零瞓,但瞓前點都要敷個Mask,我敷住咁去咗第二位佳麗間房,點知冇為意瞓着咗,個零鐘後醒番塊面膜已經乾晒,咁樣反而弄巧反拙。」王怡然則說:「我同Zora(陳怡名)三個人去買嘢,大家都以為大家身上有錢,買咗好多零食,點知到畀錢嗰陣,先知原來大家都冇帶錢。(最後冇買到零食?)有呀,返酒店攞錢先再買。」
東網網站 : https://on.cc/東網Facebook專頁 : https://www.facebook.com/onccnews/