羅志祥膠到上熱搜　零濾鏡真面目被彈蠟像翻生

台灣舞王羅志祥（小豬）最近去到馬來西亞開騷，網上流出現場片段，竟驚見小豬靚仔樣忽然變膠，蘋果肌僵硬，被網友質疑佢係咪做咗填充、提拉，更有「#羅志祥在哪裏做的醫美」熱搜出現喺三甲，引起網友研究佢嘅容貌變化。

有網友稱其實佢自去年十月就同以前「長得很不一樣」，如今同歌迷近距離接觸，手機直拍零濾鏡，即刻同大家印象中嘅羅志祥有「落差」，更有口臭網友指佢似足「從蠟像館出來」、「撞臉吳克群」等。不過都有馬來西亞粉絲晒出偶像新相，指大家係「睜眼說瞎話」，佢哋親眼見到本人係冇變過，依然靚仔。

東網網站 : https://on.cc/東網Facebook專頁 : https://www.facebook.com/onccnews/