小儀搭𨋢回家被神秘鄰居偷拍︰其實打個招呼可以好平常

森美和太太陳雅嫻（Veronica）在日本大阪因酒店房被無故取消，差一點就要在街上過夜。他的商台節目拍檔阮小儀亦遇上特別經歷，回家時被神秘鄰居偷拍。小儀昨晚在社交平台上載從升降機影出去的住所樓層照片，表示被住在同一大廈的鄰居偷影。

她說︰「話說頭先返屋企嘅時候，同一位身材肥肥哋嘅女士同𨋢，由於我掛住望WhatsApp，冇留意到佢原來偷拍中，後來因為佢個姿勢有啲浮誇，個手機鏡頭拗向我嗰邊，所以被我發現，而佢即時亦即刻轉番去手機板面，點解我知？因為架𨋢有鏡反映番我睇。當我考慮想出聲問問你點解影我呢，但你就出𨋢嘞。唉，住9樓嘅呢位女士，下次唔好咁啦，大家左鄰右里，其實打個招呼可以好平常，但偷影這回事，我就覺得唔太妥當同埋令我感到唔舒服，因為始終係自己屋苑，大家仲有機會碰面嘛，係咪？（本來諗住忍咗佢，唔出聲，但越諗越唔開心同唔知佢影咗乜，所以都係不如出聲，希望你睇到之後，請你下次唔好喇，因為架𨋢啲鏡嘅反映其實好清楚睇到你做乜㗎﹗）」

不少網民留言，說幸好偷拍小儀的不是男人，否則會覺得很可怕，也有網民表示︰「如果佢真係鄰居都仲好啲，最怕佢唔係鄰居，而係一個陌生人嚟踩點，咁你就有危險啦﹗」

（即時娛樂）