太古城中心誠品由即日起，喺商場二樓中庭及中橋舉行市集，將台灣夜市中的排檔、遊戲地攤還原成打卡場景，好似觀光夜市拱門、撈金魚、彈珠台，有得影相又有得玩，啱晒大人細路！
至於市集本身就有超過600款台灣美食、伴手禮、麵食，今次仲有多款急凍食品，好似酥皮芋頭甩餅、鹽酥雞等，最適合氣炸鍋朋仔。
鍾意茶類嘅 唔好錯過包裝超靚嘅Three Teas，配上不同插畫嘅獨立茶包用來做散水餅都唔錯喎。新竹老字號福源花生醬系列產品都有得買，即使冇諗住旅行，行下市集買啲伴手禮返去一樣開心。
地址：太古城中心二樓中庭及中橋
日期：即日起至5月7日 10am-9:30pm
留言 0