張惠妹大巨蛋騷耗資4,700萬　夢幻嘉賓名單流出

台灣天后張惠妹（阿妹）將於本周六起，喺台北大巨蛋一連舉辦5場演唱會，並一度流傳出「夢幻嘉賓陣容」名單，包括田馥甄、五月天阿信、江蕙、蔡依林及周杰倫等，豪華陣容令人咋舌外，唔少歌迷更笑稱：「猜猜就好。」

張惠妹上周與經紀人陳鎮川親臨好友周杰倫嘅大巨蛋演出，實際感受大巨蛋氣氛嘅佢，為演唱會再做出舞台及節目上嘅調整，日前更喺深圳租下場地，日夜為大巨蛋站綵排，如今邁入開唱倒數，阿妹內心更係興奮雀躍，但亦不忘呼籲粉絲小心詐騙，網絡上來路不明嘅售票訊息不要相信，更提醒公司為入場粉絲們做好大巨蛋攻略，以利大家出入安全。

最後，向來寵粉嘅阿妹，此次開唱唔止狠砸逾2億新台幣（約4千7百萬港元）製作，更為每位買票入場嘅觀眾準備「專屬紀念品大禮包」，共計將近20萬份，內容物均含互動綵帶、手扇、螢光棒及場刊等，且5日場刊封面都唔同，勢必掀起粉絲爭相收藏熱潮。

東網網站 : https://on.cc/東網Facebook專頁 : https://www.facebook.com/onccnews/