歌手林二汶近日是非多多，因推出新歌《中華．頌》引起連番爭議，被樂迷指作風變質，甚至質疑佢信奉邪教，繼而對其宗教起底，事情發酵多日，佢今日（5日）就喺社交網發長文回應，向其宗教師父、弟子以及家人等道歉，又強調當日係全靠信仰先走出人生傷痛，並指認為自己只係「做好該做的事」。不過一波未平一波又起，另邊廂再有網上頻道幕後人Yuki爆出黑材料，指林二汶曾在好友盧凱彤離世一個月時，疑借傷痛不斷騙取肉體關係，對象更係Yuki身邊嘅伴侶，相約去旅行之餘，更有大量露骨對話，甚至自鹹濕及不斷中傷Yuki。她續聲稱當林二汶得手後，又極速向偷食對象斬纜，以自己係公眾人物、怕女朋友會自殺等理由拒絕拍拖，最後全身而退，直斥：「唔好再將盧凱彤個名擺喺嘴邊，你唔係嗰個Level。」
東網網站 : https://on.cc/東網Facebook專頁 : https://www.facebook.com/onccnews/