【獨媒報導】本港出現千億財政赤字，前全國政協常委、商人何柱國接受電台訪問，指本港現時房屋供應過多，建議政府停止賣地三年，並要擱置明日大嶼，稱香港已出現財政赤字，「仲賣幅地嚟做乜嘢」：「賣乜嘢啫？豬肉呀？係豬肉咁賣呀？又減吓依樣嘢，又明日大嶼！大乜X Q嶼呀？無㗎啦！」何柱國認為，本港舉債渡日不可行，因為「香港只有人」，不比美國擁有豐富資源包括石油。
患肺癌經診治後已康復 稱感謝盧寵茂
何柱國昨晚接受商台節目《光明頂》訪問，他顯得消瘦不少，先對主持陶傑稱「病咗」，並自言「無食芒果」、「無生性病」。他透露在數月前患上肺癌，在養和醫院診治後已康復，稱曾向美國醫生查詢，但對方反喚他留港醫治：「香港醫療好好㗎，你無謂飛過嚟，我哋做到嘅香港都做到。」
外號「煙仔何」的何柱國，他稱呼籲朋友戒煙或減少食煙，「化療嘅程序係好辛苦」，並稱「我一世人最唔鍾意一個人就係盧寵茂」：「我係人，食煙仔都有自由啩！」不過，何柱國稱回想過來要感謝盧寵茂，因為化療過程「你唔會死」、「但好辛苦」。
再喚李家超發展醫療、教育專業
在2023年8月，何柱國同曾接受該節目訪問，喚行政長官李家超、財政司司長陳茂波，將香港發展成世界醫療中心。他在今次訪問重提舊事，稱美國、韓國近年將醫療做得有聲有色，希望二人能參考，以醫療、教育彌補本港失去的零售業：「我講咗三年啦，我唔係白痴嚟㗎。」
港澳辦主任夏寶龍早前與特區政府司局長會面，何柱國就稱：「夏寶龍帶你哋破局，又去睇去睇，你哋究竟學到啲咩出嚟，你解釋俾我聽。」
談到地產發展，何柱國建議政府停止賣地三年，分析稱本港已出現財政赤字，「仲賣幅地嚟做乜嘢」：「賣乜嘢啫？豬肉呀？係豬肉咁賣呀？又減吓依樣嘢，又明日大嶼！大乜X Q嶼呀？無㗎啦。」他認為本港舉債渡日不可行，因為香港「只有人」，不比美國擁有豐富資源包括石油。
何柱國：房屋供應過多令發展商出現財政問題
發展局局長甯漢豪早前已重申，交椅洲人工島是本港長遠發展需要的項目，當局正以穩慎態度推進項目，並會因應項目各個研究進展，及政府各項造地及基建工程的優次排序、整體部署，籌劃項目的推展策略。
對於甯漢豪的說法，何柱國就稱「呢個局長我唔知乜嘢」：「你而家香港高官諗乜嘢？佢諗住明日大嶼，到到大嶼嗰時，佢都唔撈啦，大佬！仲咩明日大嶼、細嶼呢？」
何柱國又稱房屋供應過多，會令發展商出現財政問題。他指本港現時有數萬個單位未出售：「你唔消化佢，啲地產商頂唔順嗰陣時，個財政好大鑊㗎，比我哋赤字仲大鑊，銀行頂唔順㗎。」何柱國表示，「個個都唔鍾意地產佬，話佢食到盡」，但指如地產商出問題，「對香港係唔著數」。
指中國國運好 發展電動車「打到全世界車廠要執笠」
中美關係近年緊張，何柱國形容中國國運很好，歐美汽車產業發展多年，中國在10年內發展電動車，「打到全世界車廠要執笠」、「發夢都諗唔到」：「而家又出一招，叫Deep V（DeepSeek）唔知乜嘢嚟，又搞到世界咁亂。」
何柱國認為中國既有運氣又有人才，早前農曆新年的經濟活動不差，部分樓價更回升。至於美國，何柱國提到政府效率部大規模裁員，批評特朗普遲早出問題，「做嘢做得太急」。
版權: 禁止衍生