自從古天樂宣佈會將主演經典劇《尋秦記》翻拍成電影版，兼找來原班人馬包括林峯、宣萱、郭羨妮等人演出後，外界都極為期待。為了保持驚喜，電影整個製作過程都非常神秘，不過早前就有內地網民疑似偷拍電影預告片再上載上網，去到今日電影終於正式公開首條宣傳片及部分劇照，即時勾起大家所有回憶。
宣傳片中見古天樂飾演的項少龍以灰髮look襯一身現代人潮爆造型現身，而林峯飾演的嬴政就兇神惡殺地表示：「邊個唔信我，本王就殺邊個。」之後項少龍手持手槍，嬴政就在煙霧樹林中追逐，飾演烏廷芳的宣萱、飾演琴清的郭羨妮及飾演善柔的滕麗名等人就由從屋內驚慌地逃走。後來項少龍請求嬴政放過自己家人，但嬴政隨即回應「如今係你家鄉嘅人唔放過寡人，你仲有當寡人係徒弟咩？」最後以嬴政揮劍剌向項少龍加一句「所有恩怨從此了斷。」的畫面完結。
《尋秦記》電影版講一場多年前的冤獄，引發改變歷史的危機！Ken誓要回到古代成皇，以彌補因冤獄而失去的人生。身在秦朝的項少龍一家雖歸隱園，無奈一舉一動仍被徒弟秦王嬴政盡收眼底；正當嬴政一統六國，以為平定天下之時，竟碰到Ken的突襲，他不得不去尋找又敬又畏的師傅，這對師徒久別二十年終於再次碰面，加上穿梭時空誓要改變歷史的Ken，三人必令秦朝再起風波，改寫命運。據知，一眾演員除了落足心機拍攝外，部分演員每日更要花上近3小時去完成化妝及梳髮部分，雖然辛苦但他們表示不介意：「回憶返晒嚟！」
留言 0