想做羅蘭接班人　甄詠珊同周柏豪合作扮問米婆

藝人甄詠珊之前有份參與無綫新劇《旁觀者》拍攝，跟周柏豪、王敏奕有對手戲，她說：「葉鎮輝係我幾想合作嘅其中一個監製，佢都係《金宵大廈》嘅監製，我覺得佢啲劇幾大味道，所以開拍之前好期待。」當她收到劇本，知道要做一個神婆，她有好多幻想，笑說：「即刻諗係揸住水晶球嗰啲？定係問米嗰啲？原來係類似問米嗰種，平時見到問米嗰啲好似比較年長，但我就係年輕版。」

她指劇組試造型時好用心，造型師見到她都話：「咁細個試啲咁嘅衫！」當日由服裝、化妝、髮型等都試咗好耐，試咗好多個唔同造型，她覺得好得意，雖然戲份不多，但覺得角色好玩同好有發揮。圈中羅蘭扮演「神婆」出神入化，可是想做接班人？她笑說：「如果有咁嘅機會，我都想呀，其實我本身唔係好識呢啲，但有機會去演一個咁嘅角色係開心嘅。」

東網網站 : https://on.cc/東網Facebook專頁 : https://www.facebook.com/onccnews/