幻・國文化娛樂有限公司一直以來銳意發掘具潛質藝人合作，為香港觀眾帶來不同且具創意的娛樂項目。一直以獨立歌手身分發展音樂事業的王嘉儀（Sophy），近日簽約幻・國文化成為旗下歌手，共同為香港演藝圈帶來更多可能性。
Sophy過去獨自探索，努力不懈地製作音樂，試過以眾籌方式推出專輯，亦試過獨闖台灣，擴闊自己的音樂版圖，過去已得到不俗的成績，曾在港台兩地獲得多項音樂獎項和提名，成績有目共睹。幻・國文化有見現今香港樂迷能接納更多不同元素的音樂，同時不想Sophy的才華被沒埋，所以看準了這個時機，把Sophy招攬成為旗下藝人。
對於簽約幻・國文化，Sophy表示期望能藉此發掘更多可能性，深入了解自己，她分享想法道：「我同幻・國嘅合作係一個好美好嘅相遇同緣份，因為過去一年我比較多時間喺台灣，亦好幸運喺台灣認識好多唔同音樂人，同時獲得一啲音樂獎項提名，當中吸收唔同經歷同養份。因緣際會帶咗我返香港，遇到幻・國團隊，佢哋俾我感覺係可以喺商業同藝術之間攞個好好嘅平衡，亦都令我覺得好啱feel，可以發揮好多自己嘅想法同創作上有更多嘗試，非常期待
Sophy亦坦言，幻・國主腦麥浚龍（Juno）過去的創作，令她對團隊充滿信心，說：「Juno係一個用好多毅力同堅持，喺演藝圈行自己道路嘅藝人，一直默默地用自己方式造就自己風格、創作，喺影像或音樂路上有好鮮明嘅形象，喺呢方面算係一種啟發，非常期待之後嘅合作，希望喺啟發過程中好好發揮，成為獨特嘅藝人。」
透過幻・國文化，Sophy除了繼續發展其音樂事業外，團隊亦會審視Sophy各方面的可能性，將她本身具備的元素加以發揮。近日團隊便為Sophy拍下一輯宣傳照，以3個造型突顯Sophy的個性，讓外界對她有更深入的認識，同時也是給樂迷的「再遇禮」。Sophy特別解說造型道：「過去喺音樂嘅道路上面都不斷探索，用唔同時間搵自己道路，喺呢條道路上面遇到幻・國團隊，係一個新嘅開始，希望我好似第一個蝴蝶造型象徵嘅破繭而出，大家可以睇到唔同一面嘅我。」
在蝴蝶造型中，其中一張相Sophy要頭戴金魚缸，魚缸中更有大大小小的蝴蝶，Sophy指這個造型在比喻世界有很多障礙，或者是身處在狹窄的空間時，只要堅持及相信自己想法及真心，都可以在金魚缸內發光發亮。
第二輯照片中的Sophy，以令人一見難忘的妝容示人，說：「呢個妝嘅眼線好特別，前後都係有一個弧度，雖然唔係大家見慣嘅東西，有別於傳統美學，但一樣可以展現唔同嘅我，一樣可以好靚。」
第三輯相Sophy與團隊於晚上在街頭遊走拍攝，她覺得十分好玩，說：「雖然第一次咁做，但有一種好率性同自由感覺，好享受。我一直喺城市氛圍入面，好多霓虹燈，好多人、好多車輛行走，但點樣喺鏡頭前面展露我自己，係我非常喜歡呢輯相嘅原因。」
三個造型，同時亦帶出Sophy對未來多元發展的決心，而這次破格的造型嘗試，Sophy似乎試上癮，她說：「其實我平時都鍾意啲古靈精怪嘢，但今次level up（升級）咗，但依然代表到我，希望之後陸續有嚟！」Sophy的多變，亦漸漸獲得青睞，早前便獲邀登上雜誌封面，首度成為封面女郎的Sophy看到雜誌封面後更開心到起飛腳呢！
在預視的未來，Sophy以音樂人身份忙過參與由周耀輝策劃，亞洲藝術文獻庫 、大館當代藝術館跨界合作的一連串企劃《留念》，將全情投入全新專輯製作，Sophy透露：「過去一年我大部份時間都喺台北，吸收咗好多營養、創作想法同靈感，希望接住落嚟可以將呢啲音樂創作展現喺歌曲上，將更多嘅音樂介紹俾樂迷，加盟幻・國文化後好快舉行的售票音樂會，希望到時畀到驚喜樂迷，而除咗音樂上嘅新嘗試外，亦希望可以有更加多唔同面向俾大家睇到，希望大家都期待！」
留言 0