1997年度香港小姐其實唔止出咗一個視后佘詩曼，仲有冠軍翁嘉穗同亞軍李明慧嘅兩女爭一夫鬧劇，都成為當年經典。話說亞軍李明慧同港姐贊助商兼七海化工主席鄔友正墮入愛河更迅速獲贈鑽戒盛傳訂婚，半隻腳踏入豪門嘅李明慧正滿心歡喜同無綫解埋約之際，鄔友正被拍到與冠軍翁嘉穗十指緊扣。當年雖然鬧得滿城風雨兩女反面，結果翁嘉穗嫁入鄔家生下兩子享盡榮華富貴！
撰文、圖片：東方新地
翁嘉穗超豪獨立屋曝光
翁嘉穗爭贏，但其實李明慧都嫁唔差，03年下嫁名慈善家、教育家陳樹渠幼子陳燿陽，生下一對龍鳳胎，從此也過著夢想中嘅闊太生活。今年樓市喺疫情下變得更熱鬧，唔少明星名人入市或放盤，早前李明慧將中半山複式單位以1.15億放售，大屋價值二千萬嘅奢華裝潢曝光令人嘩然。
97年當選港姐冠軍後，99年已經嫁入鄔家做少奶奶，今年46歲已有兩子，但翁嘉穗依然 keep 到，隨意喺家中一個角落影張相，都見到擺設和傢俬件件價值不菲。夫妻多年來一直相當恩愛，大仔和二仔年紀相差十五歲。婚後除咗相夫教子打理頭家，翁嘉穗亦有積極參與慧妍雅集嘅慈善活動，是現任會長。少奶奶在家不外乎都係做吓運動keep住身材或者畫吓畫培養情操，而無論做乜，豪宅都有大把位提供專區。翁嘉穗背山面海超豪獨立屋曝光 一間屋放兩棵聖誕樹空間仍綽綽有餘呢邊廂老公億億聲身家嘅鄔太翁嘉穗全海景超豪獨立屋，亦都逐格在其 IG 曝光，花園、露台、gym room、畫室⋯⋯一應俱全，view 靚屋靚得令人羨慕！當年爭完老公，睇吓23年後，邊個間屋豪啲、邊個嘅闊太生活寫意啲？
有錢人同我哋一樣都係鍾意打吓邊爐燒吓嘢食，不過分別在於張枱大啲餐具豪啲，背後淨係攞嚟擺銀器、水晶杯碟嘅落地櫃都有兩個。細仔剛滿五歲生日在家中切餅慶祝，家中隨處可見一家四口溫馨合照。正所謂貧窮限制想像力，見識過至知原來一間屋唔止放到一棵聖誕樹，就連啲聖誕裝飾都可以大型到媲美商場同酒店大堂。翁嘉穗背山面海超豪獨立屋曝光 一間屋放兩棵聖誕樹空間仍綽綽有餘同樣道理，農曆新年都係通過盛大布置展示財力和貴氣嘅好時機，每年悉心布置屋企，盡顯女主人嘅心思。獨立屋背山面海，有花園又有大露台，景觀令人心曠神怡。另一個大露台就算擺滿盆栽仲有一套籐製戶外餐桌，地方仲綽綽有餘，夠細仔坐住架學行車周圍碌。 
留言 0