藝人譚耀文（阿譚）、胡子彤、吳海昕等出席公開活動，忙於為新片開工的阿譚，透露要應付大量動作戲，飛車之餘又要開槍，至下月中便投入另一套電影《逃獄兄弟2》拍攝。
胡子彤自從與香港女飛魚歐鎧淳分手後，一直單身，他笑指現時有樓揸手，不過卻沒有女友，問到是否很難識女仔？他說：「搵到頭痕！（對女朋友要求好高？）人品好同顧家就得，唔一定要運動健將。」問到在旁的海昕，可有介紹女仔給子彤？她卻說：「點解冇人介紹男仔畀我呢？（你擇偶條件係點？）冇要求，只要夾到同價值觀一樣就得。（唔使靚仔？）呢啲喺戲入面過癮過就OK。」
東網網站 : https://on.cc/
東網Facebook專頁 : https://www.facebook.com/onccnews/