現年26歲的馮盈盈（Crystal）自從去年底與拍拖4年的醫生男友Martin分手後講明放盤，期間緋聞不斷，傳過秘撻娛樂新聞台大隻仔主播鄭衍峰（Leonard），之後指她藉住船P釣金龜，結識到已故賭王公子何猷亨，不過，日前舊愛陳瀅高姿態陪住猷亨出入賭王喪禮，戀情浮面。
原來昨日7月13日係Leonard 29歲生日，尋日馮盈盈竟然喺Instagram上載咗上月自己生日Party上嘅靚相，但就注明「20200713 Happy Birthday#latergram」，原來係有鬼馬！因為當日壽星仔係Leonard，Leonard咁受緋聞女友重視，成個開心晒，生日飯局上馮盈盈當然係席上客，壽星仔拎住手機同在場好友玩Ig Filter濾鏡，仲同馮盈盈玩足十秒，兩人毫不避嫌望向鏡頭，合拍得似足一對小情侶。
鄭衍峰留言：「多謝大家同我 #熱烈慶祝鄭衍峰成立29週（周）年，禮物從來都不是在乎平或貴。是送禮者那份願意搞（絞）盡腦汁氹你開心的心意。對一些IT人來說，要由零開始製作一個ig filter絕對是輕而易舉。但對佢來講… 這可能比連續吹水20個鐘更加難。It's the effort that counts 你呢？你收到那份令你最最最感動不已的生日禮物未？I know I have. Thank you 😊 #想玩個filter可以dm我 #send俾（畀）你」