商台喺今日公布咗「我最喜愛歌手」嘅候選名單，「我最喜愛男歌手大獎」嘅候選名單有今年復出嘅古天樂、陳奕迅、麥浚龍、張敬軒、陳柏宇等。
今年，古天樂時隔15年復出樂壇，同謝安琪合唱《（一個男人）一個女人和浴室》。一開金口，就已經成功晉身2018年《叱咤樂壇我最喜愛的男歌手》十強！嚟緊叱咤頒獎禮，樂迷可能可以見証到古天樂首次拎男歌手啦！
《2018年度叱咤樂壇流行榜頒獎典禮》由商業電台主辦，當中「我最喜愛歌手」係由樂迷全民投票嘅，分別有三個獎項包括男歌手、女歌手同埋組合，投票喺今天12點已經開始咗！
十強名單：
叱咤樂壇我最喜愛的男歌手十強名單：古天樂、吳業坤、林奕匡、周柏豪、周國賢、陳柏宇、陳奕迅、許廷鏗、麥浚龍、張敬軒
叱咤樂壇我最喜愛的女歌手十強名單： AGA、Gin Lee、JW王灝兒、王苑之、方皓玟、容祖兒、楊千嬅、衛蘭、盧凱彤、謝安琪
叱咤樂壇我最喜愛的組合十強名單︰ Dear Jane、MIRROR、Robynn & Kendy、RubberBand、Shine、Super Girls、Supper Moment、ToNick、小塵埃、野仔
今年出道嘅男團Mirror都成功入圍我最喜愛的組合嘅十強，果然人氣爆登！
呢三個由樂迷投選嘅獎項分兩個階段投票，第一階段會喺今個星期五（11月30日）中午12點截止，第二階段會由12月3日中午12點至12月7日中午12點進行。結果會喺2019年1月1日《叱咤樂壇流行榜頒獎典禮》當晚揭曉！
唔知最後獎項會花落誰家？樂迷快啲投選你最喜愛嘅歌手啦！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0