莊韻澄不甘被指抱子威脅　爆老公不務正業：請正經打份工

42歲的莊韻澄（Xenia，前名：莊端兒）日前突然宣布與丈夫呂成忠（Joe）正辦離婚，又指自己被威脅及情緒勒索，老公亦曾在她不知情的情況下，將兒子帶到台灣。呂成忠接受訪問，反指莊韻澄曾抱兒子危站露台威脅他。Xenia 則回應指，老公在背後搞小動作，並會公開證據證明老公如何傷害她和兒子。

莊韻澄日前宣布已與丈夫分居後，呂成忠昨（7月29日）到網台到邵子風訪問，指自己才是飽受威脅的人。他又指，懷疑莊韻澄在誕下兒子後有產後抑鬱，曾抱仔仔到露台企凳危站威脅他。

他又指責莊韻澄與其母親十分迷信，將兒子3歲仍未能說話，歸咎於他，指他有「黑氣磁場」。他更公開家中CCTV片段，指莊韻澄和外母在他不知情的情況下，用符水幫仔仔抹眼。他更指莊韻澄曾餵兒子食硃砂粉，不過沒有片段為證。

對於莊韻澄指從結婚當日起至現在，家庭所有開支均由她一力承擔，本為莊韻澄經理人的呂成忠指，她大部分收入進入公司戶口，由莊韻澄出糧予他，而她拍攝電影《正義迴廊》一角，亦由他接洽，並不是如莊韻澄所說沒有工作。

莊韻澄今在Instagram 寫長文回應：「「首個回應，我唔會關留言亦唔會回留言，只會统一回應呂成忠先生指責。既然呂成忠先生要發動群眾壓力及言論去討伐我，我已經約好今晚第一位聯絡我嘅記者盡快去做個專訪。呂成忠先生永遠都係喺我唔知情況底下或背後做好多動作。」

「如果想復合想做好老公或好爸爸請你正正經經去打份工，搵份要供強積金要交稅嘅穩定收入。而唔係喺我完全供養呂成忠生嘅日子底下連負責分擔我嘅工作都要計較，而我在未認識呂成忠生之前一樣係冇固定經理人都係咁工作！只係我個人主觀理想諗住兩公婆一齊努力搵錢啫！唔好浪費大家時間！我就成就你所想！」

莊韻澄又強調自己並無自殺傾向：「如果要自殺早死咗唔使咁努力積極去工作！就算受盡天下人言語攻擊！我都會以事實去回應！請呂成忠先生兌現你嘅誓言只要你講一個大話以後都冇得見個仔！多謝你哋令我變得更堅強更勇敢！即使我孤身1人要面對你發動嘅一切事情，我仍然會坦然面對！畢竟哩件先係我人生大事！我係應該面對我嘅人生！我會繼續我嘅工作繼續去湊仔繼續去陪我媽咪，繼續見想見我嘅朋友繼續出ig繼續我精彩嘅人生！我記得自己好細個嘅時候整傷自己，傷口好痛時我會同自己講，放心啦！好返呢就會唔記得咗當時有幾痛！我會每日喊住同自己講一次甚至更多次！但傷口一定會好返事情一定會過去！情緒同傷心一定有但我一定會好返！」