鄭中基承認患抑鬱症再酗酒　將到美國參加戒酒療程

鄭中基（Ronald）早前突然宣布與合作多年的經理人何慶湘終止合作，又發文指自己健康出現問題，引起粉絲及網民關注。他今日再發長文，交代自己患上抑鬱症，並再次用飲酒去逃避現實，所以決定在太太的陪同下，到美國參加戒酒治療。

鄭中基表示，日前的聲明令很多朋友關心，引起猜測，所以決定好好處理，不想影響太多人。他表示，自己是一個不懂面對壓力和不成熟的人，又重提2000年在飛機醉酒鬧事的往事及與蔡卓妍（阿Sa）短暫的婚姻。

他提到，自己遇上太太余思敏才令他覺得要改變，但發現自己原來仍未徹底解決題，面對壓力不懂處理，求醫後發現患上抑鬱症，更再次選擇以飲酒逃避現實：「喺搞笑、娛樂大家嘅背後，係朋建議下去咗睇醫生，發現咗有抑鬱症，當時靠食藥控制，然而我再次做咁個錯誤決定，選擇咗飲酒去逃避現實，太太都有同我講，我係自己呃自己。壓力終爆煲，用咗呢幾日時間好好反省自己，工作忙唔係藉口，唔識溝通就要去學識溝通，我覺得好對唔住我屋企人，尤其是我太太同仔女，對唔住！」

為證明自己會努力做好丈夫、好爸爸，鄭中基決定完成手上工作後， 在太太的陪同下，到美國參加戒酒治療：「都50幾歲嘞，我要去諗清楚點樣去面對自己，然後先可以面對大家，我希望返黎之後可以做一個更好嘅自己。」