由《全民造星4》幾位參賽者 VAL、CK、暐翹、榛綦及Ariel自資組成的女團Strayz於昨日（6月25日）首度於公開場合演出。幾位成員為這次演出做足準備，更自備禮物送Fans，反客為主冧爆Fans。
Strayz隊名源自「Stray（流浪）」一字，象徵隊長VAL、副隊長CK、暐翹、榛綦及Ariel 5人是一班流浪的小朋友。以「流浪」形容自己，VAL解釋道：「我哋冇簽公司，自資做自己想做嘅音樂，因而得名。」
昨日5人以女團身份首度出Show，參與《TIME’S UP Live》，演繹〈#A5110〉、〈純孩兒〉及〈Stray〉3首作品，其中〈Stray〉更是他們即將推出的首支派台歌，於派台前讓觀眾先聽為快。首度以Strayz名義演出，大家都既開心又期待，眾人更十分重視這次演出，特地於演出前3星期將歌曲重新編曲，再加以練習，CK表示：「雖然籌備演出時遇到唔少困難，但我哋都有準備好自己，亦有勤加練習，希望做到最好，同時亦希望每位成員演出得舒服，觀眾又睇得開心。」
不過在昨晚的演出中，Strayz在準備唱第二首歌時，現場出現技術問題，一直未能開始演唱，Ariel隨即情急智生，在台上以爛gag當笑話，與VAL一唱一和，成功帶動現場氣氛，不過事後暐翹笑言：「Ariel係我哋嘅笑話擔當，我哋平時相處都係咁樣。」Ariel則繼續搞笑道：「其實係Plan咗有個位俾我講笑，所以唔使擔心。」
處女演出過後，VAL坦言剛開始時略帶緊張，她說：「唱第一首歌時係有少少緊張，跟住第2、3首歌就放鬆晒！」Ariel也指見到朋友在台下不停在拍她，看到熟人的她心情也變得輕鬆起來。
對於Strayz的首度登場，CK只給自己60分，因為她覺得可以做得更加好，Ariel則表示要睇Playback才知表演如何，但感覺上應該可以有70至80分，台下Fans熱烈的反應，都教眾人十分感動，特別是VAL，她說：「見到台下好多燈牌，好開心，好想完Show即刻出去搵佢哋！」暐翹又透露，為答謝Fans的厚愛，她們特別為Fans準備了小禮物，她說：「榛綦係我哋嘅廚藝部，佢整咗曲奇，再加埋我哋做嘅心意卡，送俾Fans。」
